Aktualitet
WizzAir prezanton opsionin e ri në Rinas: "Fluturim me Imagjinatë, nisja nesër po kapët avioni"
Anullimet masive të fluturimeve në kulmin e sezonit zgjidhen me ushtrime psikologjike në aeroport.
Kaosi i ditëve të fundit në Aeroportin e Rinasit me vonesat 14-orëshe dhe anullimet e linjave me kosto të ulët ka marrë përgjigje nga kompania ajrore, e cila prezantoi biletën e re Flexi-Spirit.
Udhëtarëve që mbeten të bllokuar mbi karriget e aeroportit pa ujë dhe pa informacion, kompania u ka shpërndarë tinguj valësh detare dhe zërin e pilotit që thotë: "Përfytyroni se sapo u ulët në Romë".
"Anullimi i fluturimit nuk është defekt, por koncept abstrakt i ndërlidhjes," u shpreh zëdhënësi i kompanisë. "Njerëzit duan të udhëtojnë për të përjetuar emocione të forta. Ofrimi i pasigurisë totale nëse do të niseni apo jo është emocioni më i madh që mund të blihet me 19.99 euro."
Pasagjerëve u është sugjeruar që nëse avioni nuk vjen deri të premten, të përdorin imagjinatat e tyre dhe "google street view" per te shijuar vendet e tyre të pushimeve.