Ekonomi
Shqipëria shpërblehet me çmimin 'Kafja më e Gjatë në Botë' nga OKB
Një qytetar ka arritur të zgjasë një ekspres të vetëm nga ora 08:00 e mëngjesit deri në mbyllje të lokalit.
Organizata e Kombeve të Bashkuara i ka dhënë zyrtarisht vendit tonë çmimin ndërkombëtar për eficiencë financiare në konsumin e kafesë.
Vlerësimi erdhi pas arritjes së një qytetari, i cili me një ekspres 100-lekësh arriti të mbulojë faturën e ujit, të dritave, të marrë vendime strategjike për familjen dhe të dëgjojë gjashtë albume muzikore në lokalin e lagjes.
"Është një art më vete", tha eksperti i OKB-së. "Ai pinte vetëm një pikë çdo dy orë e gjysmë, ndërsa ujin e gotës e përdori për të larë duart në fund".
Qeveria po mendon ta përfshijë këtë teknikë në planin kombëtar kundër inflacionit.