Rama propozon që protestat e ardhshme të zhvillohen me aplikacion nga shtëpia

Pasi ndoqi nga dritarja e kryeministrisë turmën e protestuesve, kryeministri Edi Rama ka propozuar diçka revolucionare për modernizimin e demonstratave në Shqipëri.

Përmes platformës së re "e-Protesta" në e-Albania, çdo qytetar do të mund të hedhë tymuese digjitale, të thërrasë "Rama ik", "Balluku ne burg" me një klikim dhe të marrë një vërtetim zyrtar me vulë digjitale që ka marrë pjesë në revoltë. Do të krijojmë mundesinë që shumë shpejt të ketë edhe opsionin "abonohu".

"Pse të dilni në gjithë ketë vapë apo ku i dihet mbas 4-5 muajve edhe në shi?" u shpreh kryeministri gjatë një transmetimi në ERTV. "Aplikacioni ju lejon të protestoni me pizhama nga divani, ndërsa ne mund t'ju dërgojmë gaz lotësjellës virtual me mesazh SMS e t'iu numërojmë sipas dëshirës së momentit".

Propozimi është pritur me rezerva nga protestuesit, të cilët u ankohuan se serveri i e-Albania mund të jetë i paarritshëm pikërisht në kulmin e protesës.