Politikë
Berisha shpall protestën e radhës: "Do bllokojmë edhe rrugët që s'janë ndërtuar akoma"
Lideri i opozitës zotohet se revolta do të shtrihet edhe në projektet e ardhshme të infrastrukturës.
Gjatë fjalimit të tij javor, kryetari i opozitës Sali Berisha njoftoi shkallëzimin e aksionit opozitar duke u bërë thirrje mbështetësve të bllokojnë aksin rrugor Tiranë-Durrës, por edhe rrugët që janë ende vetëm në fazën e tenderimit.
"Nuk do të lejojmë asnjë makinë të kalojë, as sot dhe as në vitin 2035," deklaroi Berisha para turmës. "Qytetarët duhet të zënë pozicionet që tani te rrethrrotullimet e ardhshme!"
Mbështetësit e opozitës kanë nisur menjëherë punën duke ngritur çadra nëpër parcela me bar, ku sipas hartave pritet të kalojë një bypass pas 10 vitesh.
Sipas burimeve brenda opozitës, protesta do të konsiderohet e suksesshme vetëm nëse bllokohen edhe korsitë e bicikletave në Google Maps.